உருண்டைக் குழம்பு !!!
உருண்டை குழம்பு என்பது மிகவும் சுவையானதாகவும் தினமும் பருப்பு சாம்பார் காரக்குழம்பு என வைப்பவர்களுக்கு இந்தக் குழம்பு வித்தியாசமானதாக இருக்கும் இரண்டு நாட்களுக்கு சூடு பண்னிக்கூட சாப்பிடலாம். சூடு பண்ணப்பண்ண இதன் சுவை அதிகரிக்கும். அதனால் இந்த குழம்பை டிரை பண்னிப் பாருங்க வித்தியாசமான குழம்பு பண்னிய திருப்தியும் கிடைக்கும் டேஸ்ட்டும் நல்லா இருக்கும்.
. தேவையான பொருட்கள்;
துவரம் பருப்பு -100 கிராம்
கடலைப் பருப்பு -100 கிராம்
புளி கரைசல் - சிறிதளவு
சின்னவெங்காயம் --150 கிராம்
தக்காளி -2
மிளகாய்,மல்லி சேர்த்து அரைத்தது -3 கரண்டி
நல்லெண்ணெய் -1கரண்டி
வெந்தயம் -1 டேபிள் ஸ்பூன்
கருவேப்பிலை,கொத்துமல்லி இலை -தாளிக்க
காய்ந்த மிளகாய்-5
மிளகு சீரகம் -1 டேபிள்ஸ்பூன்
தேங்காய் சின்னதாக நறுக்கியது-சிறிதளவு
உப்பு -தேவையான அளவு
செய்முறை;
ஒருமணி நேரத்துக்கு முன்னதாக பருப்புகளை ஊறவைத்து கொள்ளவும்.பின் அதில் மிளகு சீரகம் சோம்பு,காய்ந்த மிளகாய் சேர்த்து அரைத்து கொள்ளவும்.அதில் சின்னவெங்காயம் சிறிதளவு எடுத்து பொடிதாக நறுக்கிகொள்ளவும்.அதையும் தேங்காய் நறுக்கியதையும் ,உப்பும் சேர்த்து நன்றாக பிசைந்து உருண்டை பிடித்து வைத்துக் கொள்ளவும்.இப்பொது குழம்பு தாளிக்கலாம்.எண்ணெய் ஊற்றி அதில் வெந்தயம் போட்டு தாளித்து கருவேப்பிலை,சின்ன வெங்காயம்,தக்காளி சேர்த்து வதக்கவும்.பின் புளிக்கரைசலை ஊற்றி அதில் மிளகாய் மல்லி அரைத்த பொடியை கொட்டி,உப்பு சேர்த்து மூடி வைக்கவும்.கொஞ்ச நேரம் கொதித்ததும்.அடுப்பை குறைத்துக் கொண்டு உருட்டி வைத்த உருண்டைகளை ஒவ்வொன்றாக மெதுவாகப் போடவும்.(சிதறிடாமல் இருக்க சிலர் இட்லி பாத்திரத்தில் உடுண்டைகளை வேக வைத்துப் போடுவர்) ஆனால் அதை விட குழம்பு கொத்திதுக்கொண்டிருக்கும் போதே போடுவதால் மாசாலா அனைத்தும் சேர்ந்து நல்ல டேஸ்ட கிடைக்கும்.மூடி போட்டு மூடி வைத்து 10 நிமிடம் கழித்து இறக்கி கொத்துமல்லி இலை தூவி விட்டால் அருமையான உருண்டைக் குழம்பு ரெடி.செய்து சாப்பிட்டு பார்த்துட்டு சொல்லுங்க.
