பருப்பு_குழம்பு(Dhall Kulambu or Sambar)!!!

#பருப்பு_குழம்பு

இந்த பருப்பு குழம்பு நெல்லையில் மிகவும் பிரபலமானதாகும். வீட்டில் காய்கள் இல்லாத நேரத்தில் இந்த பருப்பு குழம்பை எளிதாக வைத்து விடலாம். 

தேவையான பொருள்கள் -

துவரம்பருப்பு - 1/2 கப்
தேங்காய் துருவல் - 4 மேஜைக்கரண்டி
பச்சை மிளகாய் - 2
சீரகம் - 1 மேஜைக்கரண்டி
உப்பு - தேவையான அளவு
மல்லித்தழை - சிறிது 

தாளிக்க -

எண்ணெய் - 2 மேஜைக்கரண்டி
கடுகு - 1 தேக்கரண்டி
மிளகாய் வத்தல் - 1
கறிவேப்பிலை - சிறிது 

செய்முறை -

துவரம்பருப்பை வேக வைத்துக்கொள்ளவும். தேங்காய் துருவல் பச்சை மிளகாய்
சீரகத்தை மிக்சியில் அரைத்துக்கொள்ளவும்.

அடுப்பில் கடாயை வைத்து எண்ணெய் ஊற்றி சூடானதும் கடுகு போடவும். கடுகு வெடித்ததும் மிளகாய்வத்தல், கறிவேப்பிலை சேர்க்கவும். 

பிறகு அரைத்து வைத்துள்ள கலவை, மற்றும் உப்பு சேர்த்து 5 நிமிடம் கொதிக்க விடவும். இறுதியில் வேக வைத்த பருப்பும், மல்லித்தழையும் சேர்த்து ஒரு கொதி வந்ததும் அடுப்பை அணைக்கவும். பருப்பு குழம்பு ரெடி.